Ändi, Blüemli und Reto erzählen von ihrer Freundschaft, ihren gemeinsamen Hobbies und anderen Dingen, die ihnen wichtig sind.
di 3 beschtä fründä
Mir si 3 Beschti Fründä u si unzertrennläch, mir heissä Reto, Blüemli (Manuela) u Ändi (Andrea).
Mir si aui ir Husgmeinschaft vo insieme Bärn.
Dr Reto u z Ändi wonä dert är Wilerstrasse u z Blüemli isch agschlossä.
Äm Liebstä verbringä mir gaanz viu zit mitenang u wes mau öpperem vo üs nid guet geit oder trurig isch oder öpper Stress het, mir 3 si immer vou u ganz da füränang.
Mir düä äm Liebschtä eifach Baschtlä wiu mir 3 si sehr gärn kreativ.
Mir düä Pixlä, Malen nach Zahlen, Daimont Paiting, Origami Falten, Lego nach anleitung zusammen bauen, Puzzles, Chräuelä, Chötäli machä, Hägglä.
Derzuä louft bi üs immer gueti u luti Musig :-).
Am Liebschtä losä mir Mundart u singä derzue, es ungrads mau gö mir o änes konzärt.
Mir si scho ga dr George u Volxrox ga losä u hei üs dr eint oder anger Fänn artiku kouft :-).
Mir si o Grossi Sport Fäns, si Grossi YB Fäns, hei o sehr viu Fänn artiku.
Mir schuttä aui sehr gärn.
Üsi Lieblings Positionä si Goli u Stürmerinä, üsi idol vo YB si dr Fasnacht Louper, dr Benito u dr Monteiro.
Mir machä o ab u zue zämä Lager oder Feriä z Langnou ufter Schossrütti, im Wanderlager z Laax u no ämnä Wunder Schönä Ort im Ämitau mit viunä Tollä Lüt u vili 4 Beinigi Fründä.
-
Verfasst von Andrea Egger, Manuela Blum und Reto Gutknecht
April 2026
